Lumilipad ang isip ko patungo kung saan. Kasama ng mga pangarap ko na hindi ko alam paroroon. Palutang-lutang. Sumusunod sa indayog ng hangin. Wari'y nakikipaglaro sa oras. hindi ko iniisip ang nakaraan. Ayokong isipin ang bukas, Sinasariwa ko ang ngayon. Hinahayaan kong ipadpad ako ngisip ko sa lugar na naisin nito. Patungo sa lugar kung saan maaari kong ariin ang sandali. Kung saan maisasara ko ang pinto ng mga posibilidad. Isang santuaryo ng sandalug kapayapaan. Dadamhin ko ang hampas ng hangin sa aking mga pisngi habang sinasamsam ang dagliang pagkakataon. Habang lumalayo, mas lalong mapapalalim. Habang papalapit, mas lalong napapanatag. Ang nais ko lamang ay makamit ang ninanais. O' anong hiwaga ng isipan! Sa mabilis na pag-idlip, kay rami nang maiisip. 
halika ka na at lumipad!
picture source: https://encrypted-tbn2.gstatic.com/images?q=tbn:ANd9GcSaIQILRRXMICN1P0hZdGdOAKWKNz8qzGcQQlawUE0z3RGxrxsVcw
Walang komento:
Mag-post ng isang Komento